Поминете го овој викенд со вашето семејство на Саем за деца и родители во Skopje City Mall

Од 19ти мај во Skopje City Mall започнува Саемот за деца и родители и ќе трае сѐ до недела. Благодарение на различните активности кои се атрактивни за сите возрасти, настанот кој преминува во традиција, ќе ги спои семејствата со многу изненадувања и забава за сите, особено за најмладите.

Најавуваме натпревари со многу подароци, тимски игри, предизвици, караоке, диско за деца и креативни работилници. Магионичар ќе ги забавува сите со своите трикови и ќе го доближи магичниот свет до децата. Тука е и Kids Disco каде што децата заедно со маскоти ќе се забавуваат на диско музика. Своето знаење ќе можат да го покажат на филмски квиз со прашања од детските филмови каде ќе се доделуваат бесплатни билети за кино. Еден од поинтересните натпревари ќе биде натпреварот на семејствата, каде што ќе се натпреваруваат семејствo против семејствo во извршување на задачи како што се: препознај го своето дете со врзани очи, најбрзо сложување на сложувалка итн. На натпреварот за брзо повивање мажите ќе ги покажат своите татковски способности и ќе се натпреваруваат еден против друг.

И оваа година, сите кои ќе го посетат Skopje City Mall од 19 до 21 мај, ќе уживаат во шопинг на попуст со многу изненадувања во повеќето продавници за детска облека, играчки и други производи кои ќе достигнат и до 70%. Дел од нив се Sport Vision Kids, Extreme intimo, Просветно дело, Krsh, Carters, Baby blue, AMC, Wenice, Baby centar, Okaidi, Tea Colors  и многу други.

Имаме и специјално изненадување, ќе ги наградиме сите потрошувачи кои ќе купат производи во вредност над 1.500,00 денари, ќе добијат професионална семејна фотографија, на која ќе бидат облечени во костими (избор од 60 различни костими), а за професионален изглед ќе се погрижат театарски шминкер и фризер.

Сите кои сакаат да бидат дел од настан кој измамува насмевки и буди моменти на вистинска среќа, се добредојдени викендов да го посетат Skopje City Mall.

Целосната програма може да ја погледнете тука

Пишете ни

Вашата порака ни значи, пишете го Вашето мислење и испратете ни го на e-mail. Одговор на Вашиот e-mail ќе добиете во рок од 48 часа. Ви благодариме, Skopje City Mall

Sending

©2017 Skopje City Mall

Log in with your credentials

Forgot your details?