За нас

Skopje City Mall е првиот современ трговски центар во Македонија со потполно нов концепт кој ги обединува шопингот, забавата и дружењето. Како најголем центар од ваков карактер во регионот, Skopje City Mall полека прераснува во новото обележје на модерно Скопје.

Со својата уникатност, подеднакво и во понудата и во дизајнот, Skopje City Mall привлекува посетители од целата држава и пошироко нудејќи им неповторливо искуство преку една нова димензија на шопингот.

Освен модните брендови, понудата ги опфаќа и сите сервисни услуги, потреби за домаќинство, козметика и убавина, книжарница, детски катчиња со забавен и едукативен карактер, тематски и семејни ресторани, брза храна, кафулиња, кино, куглана и многу други содржини кои заедно придонесуваат купувањето и дружењето да станат вистинска, врвна забава.

Со своите 150 продавници меѓу кои се вбројуваат светски реномирани брендови како и локални трговски марки, Skopje City Mall ја има најбогатата понуда за женска, машка и детска мода, играчки, чевли, модни додатоци, накит, техничка опрема, хипермаркет и други содржини кои ја комплетираат понудата.

Конструиран од американската архитектонска компанија Laguarda Low, со богато искуство во изградба на комерцијални објекти, дизајнот на Skopje City Mall е современ и единствен во својот изглед. Екстериерот со живописно уредени кафе барови и места за седење овозможува максимално уживање во пријатната скопска клима.

За инвеститорот

Fashion Group е деловна водечка групација во Македонија со основни дејности во малопродажната франшиза и градежните проекти. Групацијата е основана во 1994 година и е во приватна сопственост, има приближно 450 вработени (околу 200 во Македонија и 250 во странство), со седиште во Скопје, Македонија.

Активностите во полето на градежните проекти вклучуваат искуство во изградба и работење со трговски центри како и други проекти со недвижен имот. Во моментот, групацијата работи на неколку проекти.

Раководи со работењето на 45 продавници на повеќе од 7.500 м² нето закупна површина (30 продавници во Србија, Косово, Грција и Албанија со повеќе од 5.000 м² нето закупна површина и 15 продавници во Скопје со нето закупна површина од 2.500 м²).

Balfin е водечка деловна групација во Албанија, со основна дејност во малопродажбата и градежните проекти. Групацијата е основана во 1993 година во Виена, има околу 1.000 вработени (околу 600 во Албанија и 400 во странство), со седиште во Тирана, Албанија. Холдинг компанијата на групацијата се вика Balfin Sh.p.k..

Активностите во полето на градежните проекти вклучуваат искуство во изградба и работење со трговски центри, како и други проекти со недвижен имот. Компанијата управува со градежната подружница Mane TCI, како сопственик на најголемиот и најуспешен трговски центар во Тирана – QTU (отворен во 2003 година), TEG (Tirana East Gate) и уште 2 трговски центри во Фиер и Влора.

Групацијата Balfin е исто така најголема малопродажна групација во Албанија, со активности кои го опфаќаат Нептун - ланец за електрични и уреди за домаќинство (големопродажба и малопродажба), како и ланец на продавници за облека. Нептун е лидер на пазарите во Албанија, Македонија и Косово и е на добар пат да стане лидер на пазарите во Србија и Црна Гора.